Skip to main content

உலக மனிதாபிமான தினம்: வருந்திப் பாரஞ் சுமப்பவர்கள்

சர்வதேச ரீதியாக இயங்கி வரும் நிவாரணப் பணியாளர்கள் அல்லது தொண்டர்களை கௌரவிக்கும் வகையில் ஐக்கிய நாடுகள் சபை இன்றைய தினத்தை(ஆகஸ்ட் 19) உலக மனிதாபிமான தினமாக பிரகடனப்படுத்தியுள்ளது. முதலாவது உலக மனிதாபிமான தினம் என்ற ரீதியில் இன்றைய தினம் சிறப்பு பெறுகின்றது. சர்வதேச ரீதியில் நிவாரணப் பணியாளர்களின் செயற்பாடுகளை அங்கீகரிப்பதுடன் அவர்களுக்கான இடத்தை சமூகத்தில் பெற்றுக் கொடுப்பதே இந்த தினம் பிரகடனம் செய்யப்பட்டதற்கான .நாவின் பிரதான நோக்கமாக உள்ளது.
ஈராக்கின், பாக்தாத்தில் அமைந்துள்ள .நாவின் அலுவலகம் மீது 2003ஆம் ஆண்டு குண்டுத் தாக்குதல் நடத்தப்பட்டு 22 பேர் கொல்லப்பட்ட 6ஆவது வருட நிறைவு நாளையே உலக மனிதாபிமான தினமாக .நா பிரகடனப்படுத்தியுள்ளது.

நிவாரணப் பணியாளர்கள் பலவிதமான சிரமங்களுக்கு மத்தியிலேயே தமது கடமைகளை முன்னெடுத்து வருகின்றனர். விசேடமாக உலகில் உள்நாட்டு யுத்தங்கள், எல்லைப் பிரச்சினைகள், இயற்கை அனர்த்தங்கள் போன்ற சம்பவங்கள் நடைபெறும் இடங்களே, இவர்களது பணியிடங்களாக காணப்படுவது கவனத்திற் கொள்ளப்பட வேண்டிய ஒன்றாகும். இவற்றின் மத்தியில் அவர்கள் முன்னெடுத்துச் செல்லும் மனிதாபிமான நடவடிக்கைகள் நிச்சயமாக கௌரவிக்கப்பட வேண்டிய ஒன்றே.

நடைமுறையில் உலகின் பெரும்பாலான நாடுகளில் உள்நாட்டு யுத்தங்கள், வன்முறைகள் என நிவாரணப் பணியாளர்களின் பணி மிகவும் அத்தியாவசியமானதாகியுள்ளதோடு, மிகவும் அபாயகரமான நிலையிலேயே அவர்களது பணிகள் முன்னெடுக்கப்பட்டும் வருகின்றன. இவ்வாறான அபாயகரமான சூழ்நிலையில் செயற்பட்டு நிவாரணப் பணியாளர்கள் 122 பேர் கடந்த வருடத்தில் மாத்திரம் உயிரிழந்துள்ளனர். உயிரிழந்த .நாவின் அமைதிகாக்கும் துருப்பினரின் எண்ணிக்கையை விட, இந்த எண்ணிக்கை அதிகமானது என்பது சுட்டிக்காட்டப்பட வேண்டிய ஒன்றாகும். கடந்த 10 வருடங்களில் மாத்திரம் சுமார் 700 நிவாரணப் பணியாளர்கள் கடமையில் ஈடுபட்டிருந்த போது உயிரிழந்துள்ளனர்.

எனவே, உலக மனிதாபிமான தினமான இன்று, நிவாரணப் பணியில் ஈடுபடுத்திக் கொண்டு தமது உயிரையே அர்ப்பணித்த அனைத்து நிவாரணப் பணியாளர்களையும் நினைவுகூருவதற்கான நாளாக காணப்படுகின்றது.
உலகின் மோதல் நிலவும் பல பகுதிகளில் மக்களின் உதவிகளுக்காகச் செல்லும் நிவாரணப் பணியாளர்கள் ஆயுதக்குழுக்களால் பணயக் கைதிகளாக பிடித்துச் செல்லப்படுவது அல்லது கொல்லப்படுவது என்பன மிகவும் வருந்தத்தக்க விடயங்களாகும்.

ஆப்கானிஸ்தான், பாகிஸ்தான், ஈராக், பலஸ்தீனம், இஸ்ரேல், சூடான், சோமாலியா, கொங்கோ மற்றும் இலங்கை ஆகிய நாடுகளில் நிவாரணப் பணியாளர்களின் இன்றைய பணிகள் இன்றியமையாத ஒன்றாகியுள்ளன. இந்த அனைத்து நாடுகளிலும் நிவாரணப் பணியாளர்களுக்கான உயிர் அச்சுறுத்தலும் மறுக்க முடியாத ஒன்று. இவை எல்லாவற்றுக்கும் மத்தியில் அவர்களது அர்ப்பணிப்புடனான சேவை போற்றப்பட வேண்டியதே.

மனிதாபிமான நிவாரணப் பணி என்பதன் உண்மையான அர்த்தம், உலகெங்கிலும் இருக்கக் கூடிய அனைவருக்கும் அறியப்படுத்தப்படல் வேண்டும். உண்மையான மனிதாபிமான நிவாரணப் பணியென்பது மோதல்கள் மற்றும் இயற்கை அனர்த்தங்களில் சிக்குண்டு நிர்க்கத்தியாகியுள்ளவர்களுக்கு மாத்திரமல்லாது, வன்முறைகள், மோதல்களற்ற வளமான சிறந்த எதிர்காலத்தை கட்டியெழுப்புவதற்கும் அத்தியாவசியமான ஒன்று என்பதையும் மக்கள் மனதில் ஏற்படுத்த வேண்டும்.

“You gain strength, courage, and confidence by every experience by which you really stop to look fear in the face. You are able to say to yourself, 'I lived through this horror. I can take the next thing that comes along.” -ELEANOR ரூஸ்வெல்ட்-



Comments

Popular posts from this blog

காலம் தந்த மனித மூலதனம் - கார்ல் மார்க்ஸ்

உற்பத்திமுறையின்வளர்ச்சிக்கட்டங்களில்தான்வர்க்கவேறுபாடுகள்தோன்றுகின்றன. வர்க்கப்போராட்டம்கண்டிப்பாகபாட்டாளிசர்வாதிகாரத்திற்குவழிவகுக்கும். அந்தச்சர்வாதிகாரமானதுவர்க்கப்பிளவுகளைஒழித்துவர்க்கமற்ற

தீண்டாத வசந்தம் - மனதை தீண்டிய நாவல்

வாழ்க்கையின் தீவிரமான வாசகனாக மாறிவிடும் பொழுதுகளில் எங்களுக்குள் கேள்வியை எழுப்பிவிடுகின்ற பல நூல்கள் உறக்கங்களை கொள்ளை கொண்டு மறையாமல் தொடரும் நினைவுகளாய் நிலைகொண்டு விடுகின்றன.
ரூத் தனது சிட்டுக்குருவிக்கு சொல்வது போல் ‘அவள்நினைவு, போராட்டத்திலேஓய்வெடுத்துக்கொண்டிருக்கின்றது’. தீண்டாத வசந்தத்தை ஒரு முறை வாசித்தவர்கள் கூட நிலாத்திண்ணையில் தொடங்கி ஆந்திரா முழுவதும் சுற்றி வந்து, எல்லண்ணாவில் தொடங்கி ஜெசி வரை எவரையும் மறக்க மாட்டார்கள். முதன் முதலாக 2005 ஆம் ஆண்டு என் நண்பர் ஒருவர் எனக்கு இந்த நூலை பரிந்துரைத்தார். இரவலாக வாங்கி அந்த நாவலை இரண்டு நாட்களுக்குள் வாசித்துவிட்டு உடனே எனக்கான பிரதியை வாங்கி பத்திரப்படுத்திக் கொண்டேன். அதன் பின்னர் பலருக்கு அந்த நாவலை வாசிப்பதற்கும் பரிந்துரைத்துள்ளேன். பல நாட்கள் நாங்கள் இருவரும் அந்த நாவலை பற்றி விவாதித்திருக்கின்றோம். அப்போது, தீண்டாத வசந்தம் நாவல் என்பது ஒடுக்கப்பட்ட ஒரு இனத்தின் அவலங்களை சித்திரிக்கும் ஒரு கதை என்பதாக மட்டுமே அறிந்து வைத்திருந்தோம். அந்த காலக்கட்டத்தில் நாங்கள் ஆரம்பித்த பயில்நிலம் என்ற சஞ்சிகையின் வாசகமாக நாங்கள் இணங்க…

நிபிரு - தெரிந்து கொள்ள வேண்டிய உண்மை: இந்த நூற்றாண்டின் மிக நீண்ட சூரிய கிரகணம் – 2

நாளை ஏற்படப் போகும் சூரிய கிரகணம் பலவழிகளிலும் அச்சத்தையும், பெரும் எதிர்பார்ப்பையும் ஏற்படுத்தியுள்ள ஒரு விடயமாக மாறியுள்ளது. சூரிய கிரகணம் தொடர்பில் நேற்று நாடு எழுதியிருந்த பதிவுக்காக பல இணையத்தளங்களிலும் விடயங்களை சேகரித்துக் கொண்டிருந்த போது "நிபிரு" என்ற விடயம் மிகுந்த அவதானத்தை செலுத்தக் கூடிய விடயமாகவிருந்தது. நாளை ஏற்படப் போகும் சூரிய கிரகணத்திற்கும், நிபிருவுக்கும் இடையிலான தொடர்புகள் அரிதானதாக காணப்படுகின்ற போதிலும், அடுத்து வரும் வருடங்களில் பேசப்படப் போகின்ற ஓரு விடயப் பொருளாக நிபிரு விளங்குகின்றது.
http://6thscientific.blogspot.com/என்ற வலைப்பதிவில் நிபிரு தொடர்பான தகவல்கள் சில சிக்கின. அந்த தகவல்களை உங்களுடனும் பகிர்ந்து கொள்ளும் எண்ணத்துடன் கீழே தருகின்றேன். குறித்த வலைப்பதிவரின் எண்ணம்,அனைவர் மத்தியிலும் இந்த விடயத்தை பகிர்ந்து கொள்வது தொடர்பில் இருப்பதால் அவரது அனுமதியின்றியே எனது வலைத்தளத்தில் அவரது பதிவை மீள்பதிவு செய்கின்றேன்.
அந்தகாலத்திய ஈராக் பகுதிகளில் கோலோச்சியிருந்த நாகரீகம் சுமேரிய நாகரீகம்.இந்நாகரீகத்தின் மிச்சங்களிலிருந்து கிடைத்த சுருள்களை படி…